KODEKS SKHC

Налетав на youtube на мнооогу стари снимки од еден хардкор фест во Кодекс, Скопје, цирка 89-90 :)))
Задолжително гледање. Have fun :)



flip out

Dag Nasty

Dag Nasty почнуваат да свират некаде во 1985 година и е бенд кој е составен од поранешни членови на бендови како Minor Threat и Bloody Mannequin Orchestra. Низ годините во нивната постава се менуваат 3(тројца) различни пејачи, 2(двајца) басисти и 3(тројца) тапанари во само 4 години постоење на бенд-от. Самите Dag Nasty пак имаат оставено огромен печат на "андерграунд" музиката преставувајќи го мелодичниот хардкор на светот на нивен својствен начин во средина на 80-те. Иако групата беше повеќе прифатена поради нивниот полесен звук, Dag Nasty никогаш не ја загубија оштрата ивица на хардкорот.Концептот на бендот доаѓа од поранешниот член на Minor Threat и Meatmen, гитаристата Brian Baker и поранешниот фронтмен на DYS, Dave Smalley. Dag Nasty го снимаат својот прв албум "Can I Say" (1986) заедно со D.C.-punk гуру-то Ian MacKaye кој помага во неговата продукција.

"Wig Out at Denko's" е нивниот втор албум каде што имаат нов пејач Peter Cortner, кој додава поп елементи во звукот на бендот. По овој албум Dag Nasty го менуваат Dischord и почнуваат да издаваат за Giant, каде го издаваат и последниот во тоа време наречен "Field Day" кој во својата музичка подлога уште повеќе забегува од нивниот оригинален звук.После овој албум Dag Nasty се распаѓаат и секој од членовите основаат свој музички проект. Dag Nasty се составуваат пак во 1992 година со изворниот вокал Dave Smalley и го издаваат "Four on the Floor" за потребите на растечката светска панк сцена. После кратка пауза извонредно мелодичниот бенд Dag Nasty пак ни се враќа со нивниот албум "Minority of One" кој е издаден за Revelation Records.

Наздравје!!!

flipout

SPERMBIRDS

Во далечната 1983 во еден мал град во германија, Kaiserslautern, Lee Hollis(вокали), Matthias Götte (тапани), Markus Weilemann (бас), Frank Rahm (гитара) and Roger Ingenthron (гитара), одлучуваат да си основаат бенд. Водени од звукот и директното влијание од пункоини како Wire, The Ruts, Angelic Upstarts или Buzzcocks, какo и една група на бендови од америка со нова идеја за пунк-от како Minor Threat, Black Flag or Agent Orange, Spermbirds се родени. Една година подоцна прават 7“ сплит со Walter Elf, “Don´t forget the Fun“ кој во денешно време може да се каже дека е еден вид на примерок за во колекција. На овој сплит се наоѓа и легендарната “ My God rides a Skateboard“ која стана своевидна скејт химна за тогашна растечка германска скејт сцена.

Во 1985 го снимаат првиот албум “Something to prove“ за We bite Records во германија , Boner Records во америка и Manic ears records во британија. На албумов има опасни класики како “Try again“, “Americans are cool“, “You`re not a punk“ итн. Денеска “Something to prove“ се именува како еден од највлијателните и најдобро познати хардкор албуми. Со следниот нивен албум “Nothing is easy“, Spermbirds само ја потврдуваат нивната репутација како еден од најенергичните и најдобри хардкор бендови во моментот. После овој албум бендот се разделува по прв пат, од причини што на нив и ден денеска не им се познати.

Откога увидуваат дека животот со Spermbirds им е по-исполнувачки, решаваат да се состават пак и после неколку месеци пројдени во студио, светлината на денот ја здогледува третиот албум на Spermbirds наречен “Common thread“. На овој албум Spermbirds се откриваат повторно во својата спорост и тежина, по што нивниот звук понатамо зема нова дирекција во своето постоење. Песните од типот на “Melt the ice“ или “Only a phase“ се рани примери на оној вид на музика кој подоцна ќе стане “crossover“. Во 1989 одат на 9 дневна турнеја низ германија, холандија и белгија каде сите нивни свирки се однапред распродадени.

Следната “Common Thread-Tour“ турнеја ја помина скоро цела европа, франција, германија, холандија, енглеска, белгија, италија, чешка, со 47 свирки закажани во 49 денови, Spermbirds повторно докажаа дека се еден од најдобрите и најмоќните live-act бендови кои своите свирки заедно со своите фанови ги претвараат во ептен доби журки. Мене во музички поглед Spermbirds ми оставија неизбришлив печат кој на некој начин влијаеше на моето мислење за сите понатамошни бендови кои сум ги слушал. Ако не сте ги слушнале досега можете за нив да дознаете ама баш се, на www.spermbirds.de.

My God REALY rides a Skateboard :)

Flip out