DropIn Skate Tour 2012

После X години буткање по градов и околината со нашите ни најмили играчки од дрво мислам дека би се согласиле со мене кога би рекол дека секој во себе носи желба да го доживее искуството што го носи скејтбордингот од она што го гледаме по скејт видеата, дружба, комбе, турнеја... Скејтот е посебена ѕверка, те нервира но и во ист момент те наградува, може да ти влезе под кожа, да ти ги напне сетилата, да те обземе секојдневно во мислите...но за да постои мора да еволуира и да се шири како вирус, што би рекле :) Главните осомничени за ширење на скејт вирусот низ Битола и Охрид прошлиов викенд се скејтшопот DropIn (ОГРОМНА БЛАГОДАРНОСТ за идејата и организацијата) со подршка од клубот POLAR, Скејтборд асоцијацијата на Македонија САМ и групата Grind House. Прекрасната идеја организира 8 скејтери (Тате, Перо, Иле, Мате, Илин, Виктор, Даре, Пепун) да бидат задолжени за инфицирање на социјалната и општата култура во двата града со скејт вирус. Договорот за старт падна во 10.00h пред Drop In во сабота, би се возел еден сешн во Битола па во доцните вечерни часови би тргнале накај Охрид. Комбето беше управувано од Мунгос (РЕСПЕКТ), фино лепо си изглајдавме до Битола без да осетиме пат и се стациониравме во самиот центар од каде што по Широк Сокак се пуштивме накај паркот каде наводно имало добар спот за скејт. "Фонтаната" скејт спотот е мермерна фонтана која има најразноразни скалички, дропови, леџови од сите височини и штотине друго а подлогата е цела од мермер. Иако мал, многу солиден спот за скејт кој може да овозможи најразлични видови на трикови и линии. Спотот го растурија сите на очигледна радост на битолските локални скејтери кои се надеваат на инфекција од голем размер за општата народна маса. Бидејќи и мермерот почна да се топи моравме да се скриеме во околниот градски парк кој нудеше прекрасна сенка и место за одмор од топлината. По мало освежување адреналинот за нови спотови незапре, па набргу се изнајде спот и во самиот парк кој беше еден гап, непристапен но забавен за освојување. Откако и тој потпадна под тркалата се упативме накај центарот спрема Саат Кулата која што реновирана ни пружи доста добри скали, дропови, кикери и волрајдови. После играње и трикови по цела Битола вечерта преморени се спакувавме и со комбето тргнавме накај Охрид каде што ќе може да се освежиме и преспиеме. Неизоставните палавштини по пат, луда музика и дивеење не однесоа до Охрид каде купивме пиво и се упативме накај градскиот скејтпарк да се прегрупираме за вечерта. Се шушка дека во Охрид имало заразени со скејт вирусот. Не раздени убав сончев ден, кој што по договор беше резервиран за плажа претпладне како мало освежување. Еезерото не подокрепи па енергијата се претвори во фул он сешн во попладневните часови. На "Хотел Макпетрол" спотот и околината може да се најдат најразлични сетови на скали, мануели и рејлови, се е асфалтирано и подновено. За нивна среќа беа инфицирани од осомничените со куп трикови и понекоја линија одкаде се префрливме во скејтпаркот каде се доинфицира цело земјиште со сите можни линии и трикови. Скејтпаркот е доста солиден, треба малку да се реновира (барем така е ветено од општината) но може да пружи доста добри линии. Има пирамида, фанбокс со леџови, неколку шипки, базен, грајндбокс и неколку квотери. Се наоѓа на излез од градот после марината и е сместен покрај самата плажа. Охрид е убав за инфицирање со вирусот, се познава, има веќе заразени. По завршувањето на сешнот се упативме до центарот на Охрид каде јадевме и се спакувавме за накај дома. Уморни ама насмеани лица. Трикови, линии и снимање. Скејт, пот, крв. Дружба, музика, смеа. Успеавме да заразиме два града за два дена. Беспрекорна организација, БЛАГОДАРНОСТ за подршката и до сите инволвирани со надеж за следна тура наскоро. Клик за галерија.

П.С. Следува видео од турнејата STAY TUNED.

 flip out.

Скопје / Пролет 2012

Пројде уште една долга зима (и се гледа крајот), едно мало освежување и подсетување за почетокот на сезонскиот фаворит во последниве 20 години, ролање скејт.

Клик на сликата за галерија.

flip out

GoSk8boarding Day / 21 June

21 Јуни, Вторник, собиранка на Кеј па вожња по Скопските улици :) Да го одбележиме НАШИОТ ден.

flip out

Гемиџиите

Убава фотка за новонастанатата скопска ситуација. Мислам дека има место за уште два, три споменика тамо доле до гемиџиите. Gvmnt, BIG FAIL!

flip out

Another Wasted Night

Уште една добро потрошена вечер.



flip out

S.K.I.R.O.L.3 / Lost Tapes

Тркало, даска, мутер, шајбна, лагер, кингпин, шмиргла, грајнд, слајд, флип, оли, аcфалт, мермер, скејтпарк, стрит, скирол, осовини, патики, тулче, силикон, видео, крв, пот, rollin`, rollin`, rollin`, rollin`....still rollin` :)

flip out

Skopje RAW Winter 2011

Мало подсетување на работите што следат ;)

SK8 FOR FUN!

flip out